Президент С.Н.Жапаровдун “Инсандын руханий адеп-ахлактык өнүгүүсү жана дене тарбиясы жөнүндө” жарлыгын турмушка ашыруу максатында жана Кыргыз Республикасынын эгемендигинин 30 жылдыгына карата 2021-жылдын июнь айынын соңку күндөрү Ж.Баласагын атындагы Кыргыз улуттук университетинин (КУУ) демилгеси менен Ысык-Көл районунун Бостери айылындагы КУУнун “Университет” пансионатында И.Раззаков атындагы Кыргыз мамлекеттик техникалык университети (КМТУ), Ош мамлекеттик университети (ОшМУ) жана И.Арабаев атындагы Кыргыз мамлекеттик университети (КМУ) катышкан ЖОЖдор аралык “Ысык-Көл кечтери” аттуу чоң иш чара болуп өттү.

Иш чара маданий жана спорттук бөлүктөрдөн туруп, биринчи бөлүгүндө окуу жайлардын профессордук-окутуучулар курамы ыр, күү, бий, интермедиялар боюнча өз өнөрлөрүн көрсөтүшсө, экинчи бөлүгүндө волейбол, футбол, шахмат, ордо, аркан тартыш боюнча күч сынашты. Ар бир окуу жайдын өз алдынча калыстар тобу болуп, катышуучулардын арасынан өзгөчөлөнгөндөргө өз ЖОЖдорунун сыйлыктарын тапшырышты.

Ж.Бласагын атындагы КУУнун калыстар тобунун чечими:

1. Маданий иш чара боюнча:

  • Азиз Баатыров – эң мыкты аткаруучу, КМУ;
  • Кубаныч Орозбаев – эң мыкты аткаруучу, ОшМУ;
  • Зарина Соронбаева – эң мыкты аткаруучу, КМТУ.

2. Спорттук иш чаралар боюнча:

  • Бакдөөлөт Бакиров – эң мыкты ордочу, КМТУ;
  • Азамат Айдаров–  эң мыкты футболчу, КМУ.

Спорттук иш чараларга ОшМУдан катышкан жок.

И.Раззаков атындагы КМТУнун калыстар тобунун чечими:

1. Маданий иш чара боюнча:

  • Эсенгул Сооронбаев – эң мыкты аткаруучу, КУУ;
  • Нурдөөлөт Калыков – эң мыкты аткаруучу, КМУ;
  • Коллектив – эң мыкты бий,  ОшМУ.

2. Спорттук иш чаралар боюнча:

  • Азамат Айдаров – эң мыкты ордочу, КМУ;
  • Калдыбай Салидинов – эң мыкты волейболчу, КУУ;
  • Мурат Бейшенов –  эң мыкты футболчу, КУУ.

Спорттук иш чараларга ОшМУдан катышкан жок.

И.Арабаев атындагы КМУнун калыстар тобунун чечими:

1. Маданий иш чара боюнча:

  • Алымкул Мамырбай уулу – эң мыкты аткаруучу, КУУ;
  • Тазагүл Кыдыршаева– эң мыкты аткаруучу, ОшМУ;
  • Маралбек Өскөнбаев – эң мыкты аткаруучу, ОшМУ.

2. Спорттук иш чаралар боюнча:

  • Садык Алахан – эң мыкты ордочу, КУУ;
  • Бакдөөлөт Бакиров – эң мыкты ордочу, КМТУ;
  • Калдыбай Салидинов – эң мыкты волейболчу, КУУ;
  • Жыргалбек Сыдыков – эң мыкты волейболчу, КМТУ;
  • Туратбек Суранаев – эң мыкты футболчу, КУУ;
  • Ынтымак Касмакунов– эң мыкты футболчу, КУУ.

Спорттук иш чараларга ОшМУдан катышкан жок.

Жусуп Баласагын атындагы Кыргыз улуттук университетинин ректораты, кесиптик кошуну, профессорлору менен окутуучулары жана студенттери кайрылуубузду чын дилден кабыл алып, Президентибиз С.Н.Жапаровдун “Инсандын руханий адеп-ахлактык өнүгүүсү жана дене тарбиясы жөнүндө” жарлыгын турмушка ашыруу жана Кыргыз Республикасынын эгемендигинин 30 жылдыгына карата уюштурулган ЖОЖдор аралык “Ысык-Көл кечтери” деп аталган чоң иш чарага жигердүү катышып беришкен И.Раззаков атындагы Кыргыз мамлекеттик техникалык университетинин, Ош мамлекеттик университетинин жана И.Арабаев атындагы Кыргыз мамлекеттик университетинин өкүлдөрүнө терең ыраазычылыгыбызды билдиребиз.


Фото сюжет

НОВОСТИ