-
Студентибиз "Эң мыкты студент КМШ"-2021 сынагына катышты
Казакстандын баш калаасы Нур-Султан шаарында жаш студенттердин"Эң мыкты студент КМШ"-2021 сынагы болуп өттү. Ага окуу жайыбыздын Манас таануу жана лингвистика институтунун 4- курсунун студенти Таалайбек кызы Бермет барып катышып келди. КМШ мамлекеттеринин студенттери катышкан билим сынакта студенттибиз өзүн жакшы эле көрсөткөнүн айтат. "Жыйынтыгы июнь айында белгилүү болот, Буюрса алдыңкы орунду алам го деген үмүтүм бар" дейт студентибиз.
-
Манас таануу жана лингвистика институту кесипке багыт берүү, (профориентация) уюштурду
И. Арабаев атындагы КМУнун Манас таануу жана лингвистика институтунун Немис тили кафедрасынын жалпы профессордук окутуучулар курамы жана студенттери менен биргеликте 2021-жылдын 7-майында саат 9:00 дө кесипке багыт берүү иш чарасы (профориентация) боюнча онлайн-жолугушуу өткөрдү. Иш-чараны кафедранын жетекчиси филология илиминин доктору, профессордун м.а. Садыкова С. З. ачып берип, сөз сүйлөдү. Ошондой эле кафедранын доценти, көп жылдык тажрыйбасы бар Мусабаева Р. Ш. да сөз сүйлөп, бардык бүтүрүүчүлөргө алдыдагы кесипти туура тандоого ийгилик каалап өттү.
-
И. Арабаев атындагы КМУнун Манас таануу жана лингвистика институтунун Австрия китепканасында австриялык жазуучу, драматург Томас Арцтын онлайн- автордук окуусу болуп өттү. Иш чара Казакстандын Нур-Султан шаарындагы Австрия элчилигинин колдоосу менен ишке ашты. Онлайн-автордук окууга Австрия элчилигинин өкүлү Жания Умбетова, Манас таануу жана лингвиститка институтунун немис тили кафедрасынын мугалимдери жана студенттери, немис тилин экинчи чет тили катары окуган англис тили бөлүмүнүн студенттери андан сырткары башка жождордун (АУЦА, БГУ, КУУ) немис тили мугалимдери катышышты.
-
КМУнун Манас таануу жана лингвистика институтуна Нуржан Сартбекова директор болуп шайланды
И. Арабаев атындагы КМУнун Манас таануу жана лингвистика институтунун директорун шайлоо болуп өттү. Директорлук орунга эки талапкер ат салышты. Алар педагогика илимдеринин доктору, профессор Нуржан Сартбекова жана филология илимдеринин доктору Даирбек Кенжебаев. Шайлоого 74 киши катышып, 41 киши Нуржан Сартбековага добуш берсе, 30 киши Даирбек Кенжебаевге добуш беришти. 3 киши экөөнө тең каршы добуш салышты. Жыйынтыгында 41 добуш менен Нуржан Сартбекова директор болуп шайланды. Шайлоо атайын комиссия тарабынан көзөмөлдөнүп, жобого ылайык өткөрүлдү. Комиссияга КМУнун окуу иштери боюнча проректору Жеңиш Бексултанов төрагалык кылды.
-
Рысбаев Талантбек "Кыргыз тили" төш белгиси менен сыйланды
2021- жылдын 25- февралында А. Осмонов атындагы улуттук китепканада, белгилүү лингвист, филолог, лексикограф, педагог, адабият таануучу, фольклор таануучу, филология илимдеринин кандидаты, профессор К. Карасаевдин 120 жылдыгына арналган иш чарада, КМУнун Манас таануу жана лингвистика институтунун Манас таануу жана маданият таануу кафедрасынын, кафедра башчысы Рысбаев Талантбек кыргыз тилине кошкон зор салымы үчүн "Кыргыз тили" төш белгиси менен сыйланды. Талант агайга бекем ден соолук, ийгиликтерди каалайбыз?!
