Манас таануу жана лингвистика жана институту менен «Камкордук» билим берүү борборунун ортосундагы түзүлгөн келишимдин негизинде Америка Кошмо Штатынын ар кайсы штатынан волонтерлор Aaron Wesley (Mississippi) Alli Taylor (Texas) Antonettle Johnson (Indiana)
И.Арабаев атындагы КМУнун Манас таануу жана лингвистика институтунун 4- курсунун студенти Акбермет Кайыпбек кызы Казакстандын “Бобек” улуттук кыймылы” тарабынан Көз карандысыз мамлекеттер шериктештигинин илимий жана билим берүү мекемелеринин арасында уюштурулган «I эл аралык китеп басылмасы» жана «Мыкты жаш илимпоздор — 2021» долбоорунда жеңүүчү аталып, Кыргызстандын мыкты студенти аталышындагы диплом жана медаль менен сыйланды. Бул долбоорго Кыргызстандан миңге жакын талапкер катышкан. Арасынан эң мыкты деп эсептелгендер илимий иш жеңүүчү деп табылып, алардын эмгектери КМШнын жаш окумуштууларынын эл аралык китеп коллекциясына киргизилген.
2021-жылдын 23-сентябрында Манас таануу жана лингвистика институтунда Кыргыз мамлекеттик тилинин 32 жылдыгына карата «Тили жок эл болбойт, тилин сыйлаган эл кем болбойт» аттуу концертти кечеөткөрүлдү. Иш чара 1-3-курстун студенттери жана окутуучулар тарабынан даярдалды. Аталган иш чараны филология илимдеринин доктору, профессордун м.а., немис тили кафедрасынын башчысы, КРнын Президентине караштуу Мамлекеттик тил жана саясаты боюнча улуттук комиссиянын кеңешме органынын мүчөсү Садыкова Сымбат Зарылкановна куттукттоо сөз менен ачып берди. Иш чара дастан айтуу, күү, ыр, бийлер менен коштолду.
Студентибиз "Эң мыкты студент КМШ"-2021 сынагына катышты
Казакстандын баш калаасы Нур-Султан шаарында жаш студенттердин"Эң мыкты студент КМШ"-2021 сынагы болуп өттү. Ага окуу жайыбыздын Манас таануу жана лингвистика институтунун 4- курсунун студенти Таалайбек кызы Бермет барып катышып келди. КМШ мамлекеттеринин студенттери катышкан билим сынакта студенттибиз өзүн жакшы эле көрсөткөнүн айтат. "Жыйынтыгы июнь айында белгилүү болот, Буюрса алдыңкы орунду алам го деген үмүтүм бар" дейт студентибиз.
Манас таануу жана лингвистика институту кесипке багыт берүү, (профориентация) уюштурду
И. Арабаев атындагы КМУнун Манас таануу жана лингвистика институтунун Немис тили кафедрасынын жалпы профессордук окутуучулар курамы жана студенттери менен биргеликте 2021-жылдын 7-майында саат 9:00 дө кесипке багыт берүү иш чарасы (профориентация) боюнча онлайн-жолугушуу өткөрдү. Иш-чараны кафедранын жетекчиси филология илиминин доктору, профессордун м.а. Садыкова С. З. ачып берип, сөз сүйлөдү. Ошондой эле кафедранын доценти, көп жылдык тажрыйбасы бар Мусабаева Р. Ш. да сөз сүйлөп, бардык бүтүрүүчүлөргө алдыдагы кесипти туура тандоого ийгилик каалап өттү.