19-февралда 21- февраль-Эне тилдин эл аралык күнүнө карата И. Арабаев атындагы КМУнун илимий китепканасында тилге арналган чоң иш- чара болуп өттү. Аталган иш- чараны университеттин Мамлекеттик тил жана коммуникациялар бөлүмү менен Мамлекеттик тил жана маданият институту биргеликте уюштурушту. Жыйынга Кыргыз Республикасынын Президентине караштуу Мамлекеттик тил боюнча улуттук комиссиянын төрагасы, профессор Назаркул Ишекеев, Билим берүү жана илим министрлигинин Мамлекеттик тил боюнча бөлүмүнүн жетекчиси Гүлнара Ибраимова, Кыргыз Республикасынын Жазуучулар союзунун төрагасы Нурлан Калыбеков, И. Арабаев атындагы КМУнун ректору, профессор Төлөбек Абдырахманов, проректорлор Нурмамат Эсенкулов, Тууганбай Коңурбаев, Эмиль Каниметов, Амангелди Сыйырбеков, Мелис Оңолбаев, Окуу бөлүмдүн башчысы Октябрь Капалбаев, факультет декандары, окутуучулар, студенттер катышышты. Жыйында эне тилге арналган жалындуу жакшы сөздөр айтылды. Студенттер эне тил тууралуу жазылган акындардын ырларын окуп, комуздун коштоосунда ыр арнашты
